මගේ අදහස්

පසුගිය කොටසින්....
"අයියා මොනාද බොන්නෙ ? coke ? " මම ඔලුව වනාගෙන බාත්රූම් එකට ගිහින් දොර වහ ගත්තා.

අද එතැන් සිට....

කොට කලිසමකිනුයි ටී ෂර්ට් එකෙනුයි සැරසුණු මම එලියට ආවා.. එයත් ඇඳුම් මාරු කරලා හිටියේ.

"රෑට මොනාද කන්නෙ ?" එයා මගෙන් ඇහුවෙ මගේ අතට බීම වීදුරුව දෙන ගමන්.

"ඔයාව"

"මාව කෑවට බඩ පිරෙන්නෙ නෑනෙ" එයා කිව්වෙ බිම බලාගෙන.

"ඒ උනාට හිත පිරෙනවනෙ."

"අනේ මේ පිස්සු විකාර නැතුව මොනාද කන්න කැමති කියනවද ?"

"ඔයාට කැමති දෙයක් මගේ විශේෂයක් නෑ."

"හ්ම්ම් හරි. එන්න පහලට අපි ෆිල්ම් එකක් බලමු."

බැලිල්ල කෙසේ වෙතත් රඟපාන්න බැරිද කියල අහන්න හිතිලත් මම ඇහුවෙ නෑ. මං ගැන වැරදියට හිතයිද දන්නෙ නෑනෙ.

එයාගෙ ගෙදර තිබුනා ටීවී කාමරයක්. තඩි ටීවී එකකුයි, තඩි සෝෆා එකකුයි කාමරේ තිබ්බා.

"අය්ය ෆිල්ම් එක දානවද මම විනාඩියෙන් එන්නම්." එහෙම කියල එයා ගියා.

අමිත් ආපහු ආවෙ පොප් කෝර්න් පිරිච්ච භාජනයක් එක්ක.

"පිස්සු හැදෙනවා. ෆිල්ම් හෝල් එකක ෆිල්ම් එකක් බලනව වගේ දැන්නම්." මට කියවුනා.

මම ෆිල්ම් එක ප්ලේ කලා. අමිත් මගේ ලඟින්ම වාඩි උනා. මම මගේ අත එයාගෙ කර උඩින් දැම්මා. එයා මගේ අතට වාරු වෙලා උරහිසට ඔලුව තියා ගත්තා. ෆිල්ම් එකේ තියෙන ඒවට හිනාවෙනවා ඇරෙන්න අපි අතර වැඩි කතා බහක් උනේ නෑ.ඇස් දෙක ටීවී එකේ තිබුනට මගේ හිත තිබුනේ වෙන දිහාක. මට මේ මොකද වෙන්නෙ ? මම සාමාන්‍ය විදිහටනම් මේ වෙනකොට වැඩේ කරගෙන ගිහිල්ලත් තියෙන්න ඕනෙ. ඒ උනාට මට අමිත් ගැන ඇතිවෙන හැඟීම හරිම පුදුමයි. සෙක්ස් සම්බන්ධයෙන් මම බොහොම තෘප්තිමත් කෙනෙක්. මට එයින් කවදාවත් කිසිම අඩුවක් තිබ්බෙ නෑ. ඒ උනත් අමිත්ව තුරුලු කරගෙන ඉන්නකොට දැනෙන දේ ඒ හැම සෙක්ස් එකකටම වඩා හරිම සංතෘප්තිමත්. මම හිතන්නෙ මම දැනටමත් මූට ආදරෙයිද කොහෙද.

ෆිල්ම් එක ඉවරයි. මම ඈනුමක් ඇරල හිරි ඇරියා.

"අපි දැන් ඇත්තටම මොනාද ‍රෑට කන්නෙ ?"

"pizaa ඕඩර් කරමු"

"මම කැමති. මට spicy chicken" මම ඕඩර් එක දුන්නා.

"අමිත් මට කියන්නකො ඔයා ගැන, පවුල ගැන තොරතුරු ටිකක්"

"ම්ම්ම්.... මං ගැනනම් අමුතුවෙන් කියන්න දෙයක් නෑ. තාත්තා ඩොක්ටර් කෙනෙක්. අම්මා ඉන්ටීරියර් ඩිසයිනර් කෙනෙක්. අපි මෙහාට ආවේ මාස 5කට කලින් කලින් හිටියෙ කුරුණෑගල. මම විතරයි පවුලෙ ඉන්නෙ."

"ඔයා ලබන අවුරුද්දෙ නේද A/L කරන්නේ ?"

"කරනවද නැද්ද කියල මට තාම ෂුවර් නෑ"

"ඒ මොකද්ද ඒ කුණුහරපෙ තේරුම ?"

" යුනිවර්සිටි යන්න තරමට ලකුණු මට ගන්න බෑ කියල මම හොඳටම දන්නව. මම ලන්ඩන් A/L කරා. ඒ නිසා මට ප්‍රයිවට් කැම්පස් එකකට යන්න පුලුවන්. ජනවාරි මම CIMA පටන් ගන්නවා."

"අම්මයි තාත්තයි මොකද කියන්නෙ ?"

"එයාලගෙ අකමැත්තක් නෑ මම ඉස්කෝලෙ ගමන නවත්තනවට. හැබැයි එක්කො ස්ටඩීස් වලට රට යන්න ඕනෙ. එහෙම නැත්තං මෙහෙ ප්‍රයිවට් කැම්පස් යන්න ඕනෙ. මම හිතුව ලංකාවෙ ප්‍රයිවට් කැම්පස් එකකට යනවා කියල."

"කමක් නෑ කොහොම හරි ඉගන ගන්න එක දිගටම කරගෙන යනවනම්. මමත් ප්‍රයිවට් කැම්පස් ගිය කෙනෙක් හැටියට............"

ෆෝන් එක රිංග් උනා.

"අම්ම වෙන්න ඇති." අමිත් ගියා ඒක ආන්සර් කරන්න.

ඒත් එක්කම ගෙදර බෙල් එකත් වැදුනා. pizaa වෙන්න ඇති කියල හිතල මං ගියා ගේට්ටුව ගාවට ඒක බලන්න. ලොකු ගේට්ටුව අරින්නෙ නැතුව මම පැති දොර ඇරියා.

"සයුරු අය්යෙ....."

"නිසල් මල්ලි........"