මගේ අදහස්

පසුගිය කොටසින්....

"කොහෙද දැන් මේ යන්නෙ ?"
"පොඩ්ඩක් බලං ඉන්නකො. තව විනාඩි 5යි.

අද එතැන් සිට....
==========================================

මම කාර් එක අතුරු පාරකට හැරෙව්වා. විනාඩියක් විතර ඒ පාරෙ ගියාම තියෙනවා අලුතෙන් හදපු apartment complex එකක්. මම ඒකට කාර් එක හැරෙව්වා. අමිත්ගෙ මූණ වෙනස් උනා. මිහනිහ බය වෙලා වගෙ. මම කාර් එක පාර්ක් කරල එලියට බැස්සා.

"අපි මේ කොහෙද යන්නෙ?" මිනිහගෙ කටහඞ වෙව්ලනවා.

"මල්ලි බය වෙන්න එපා. මම මෙහෙ ආවෙ කෙනෙක්ව හම්බ වෙන්න. ඇත්තම කියනවනම් මම මෙහෙන් එක apartment එකක් ගන්න අදහසක් තියෙනවා. ඒක බලන්න ආවෙ. ඔයා අද ගෙදරින් උදේ ආව විදිහටම ගෙදරට ගිහින් ඇරලවන්නම් මම. "

ඇති යන්තම් පොඩි හිනාවක් ගියා මිනිහට. අපි දෙන්නම ඇවිදන් ගියා reception එකට. මිස්ටර් පෙරේරා, මං හම්බ වෙන්න ගිය කෙනා හිටිය ඉස්සරහට වෙලා.

"මිස්ටර් ගජසිංහ වෙලාවටම ඇවිත්. අපි යමුද එහෙනම් ?"

මගෙන් උත්තරයක් එන්නත් කලින්ම මිනිහ යන්න ගියා. අපි දෙන්නත් ගියා පස්සෙන්. apartment එක තියෙන්නෙ 22 තට්ටුවෙ. නිදන කාමර 2ක් තියෙනවා. ප්‍රධාන නිදන කාමරයට වෙනමම බාත් රූම් එකක් තියෙනවා. තව බාත් රෝම් එකක් වෙනමම තියෙනවා. හුරුබුහුටු විසිත්ත/කෑම කාමරය තමා දොර ඇරපු ගමන්ම තියෙන්නෙ. නවීන පැන්ට්‍රියක් වගෙම පොඩි ඔෆීස් රූම් එකකුත් තියෙනවා. නිදන කාමර දෙකටම බැල්කනි තියෙනවා. ඊට අමතරව විසිත්ත කාමරය එක්ක ලොකු බැල්කනි එකක් තියෙනවා.


"මිස්ටර් ගජසිංහ මට පොඩ්ඩක් පහලට යන්න ඕනේ. ඕන තරම් වෙලා බලන්න ප්‍රශ්නයක් නෑ. මෙන්න යතුර. එනකොට ලොක් කරන් එන්න. " ඒජන්ට් ගියා පහලට.

"අය්යෙ.. එන්න වැඩක් පෙන්නන්න." අමිත් බල්කනි එකේ.

"අර බලන්න නුගේගොඩ පාලම පේනව ලස්සනට."

"මට නම් නුගේගොඩ පාලමට වැඩිය ලස්සන දෙයක් පේනවා." මම කිව්වෙ අමිත්ගෙ ඇස් දෙක දිහා බලාගෙන. ඒ දිලිසෙන ඇස් දෙක දිහා බලාගෙන කල්පයක් උනත් ඉන්න පුලුවන්. අමිත්ගෙ මූණ රතු උනා. එයා ලැජ්ජවෙන් බිම බලා ගත්තා. මම මගෙ අත් දෙක එයාගෙ උරහිස් දෙකෙන් තිබ්බා.

"අමිත් ඔයාගෙ ඇස් දෙක මාර ලස්සනයි."

මට තවනම් ඉවසන් ඉන්න බෑ. මම හිමින් එයාව මගෙ පැත්තට අදල ගත්තා. එයා මගෙ ඇඟ වටේ අත් යවල මට තුරුලු උනා. මට ඇතිවුනු හැඟීම මට වචන වලින් විස්තර කරන්න බෑ. අමිත් ගැන අමුතුම ආදරයක් මගේ හිතට දැනුනා. අපි විනාඩියක් දෙකක් විතර ඒ විදියටම හිටියා. හැමදාම මෙහෙම ඉන්න පුලුවන්නම් කියල මට හිතුනා.

"ඉතිං අමිත් මල්ලි. මොකද හිතන්නෙ මේක ගැන?"

"නියමයි. මම නම් මාර ආසයි. ඒ උනත් ගොඩක් ගනන් ඇති නේද ?"

"ගාන ගැන හිතන්න එපා. කැමතිනම් එච්චරයි." මම බය උනා එයා මගෙන් මට හොහෙන්ද ඔච්චර සල්ලි කියල අහයි කියලා. මම කොහොමද එයාට මේක පැහැදිලි කරන්නේ. ටික කාලයක් ගියාට පස්සෙ නම් කමක් නෑ. මගේ වෙලාවට එයා ඒ ප්‍රශ්නෙ ඇහුවෙ නෑ.