මගේ අදහස්

පසුගිය කොටසින්....

"හරි මම විනාඩි 15න් ඔතන."
මම මගෙ ජීවිතේටම එච්චර ස්පීඩ් එලවල නැතුව ඇති. සාමාන්‍යයෙන් මම ගොලුබෙලි ස්පීඩ් තමා. අද..........

අද එතැන් සිට....
==========================================

මිටින් හල කුරුල්ලා වගේ මම ඉගිල්ලුනා මහරගමට. ඇමිටි එක ලං වෙන්න වෙන්න මගේ පපුව ගැහෙනවා ඩිග් ඩිග් ගාල. මම ආපහු කල්ල් එකක් ගත්තා එයාට.

"මල්ලි. ඔතන වාහනේ නවත්තන්න අමාරුයිනෙ. ඒ නිසා පොඩ්ඩක් පස්සට එනවද ? මම තව විනාඩියෙන් ඔතන ඔයා කොට්ටාව පැත්තට ඇවිදගෙන එන්න. මගෙ කාර් එක කලුපාට ලාන්සර් එකක්. නම්බර් එක xxxxxx . "

"ඕකේ"

මම කාර් එක ස්ලෝ කරගෙන ඉස්සරහට ගියා. ඔය එන්නේ මගෙ කුමාරය. මගෙ හදවත සරීර කූඩුවෙන් එලියට පනින්න වගේ. එයා හිනාවේගෙන ඇවිත් කාර් එකට නැග්ගා.

"අපි කොහෙද අයියෙ දැන් යන්නෙ."

"ඔයාට කොහෙද යන්න ඕනෙ ? ඕන තැනකට එක්ක යන්නම්" මම පොඩි පැණි පාරක් දැම්මා.

"McDonalds ?"

ලොක්ක වගේ හිටියට මූ තාම පොඩි එකෙක් වගේ. කමක් නෑ යමුකො අපි දැන් McDonalds.

"මොකද්ද ගත්ත ෆෝන් එක."

"Nokia 2730"

හ්ම්ම්ම්..... මට බොහොම සතුටු හිතුනා. මේ කාලෙ හැම කොල්ලම කරන්නෙ චයිනීස් ෆෝන් එකක් ගන්න එක. අරගෙන මහ සද්දෙට සිංදු දානව බස් එකේ පවා. වෙනස් ආකාරයක කොලුවෙක් වගේ.

"මල්ලි A/L මොනාද කරන්නේ ?"

"කොමර්ස්. මම ආසයි accounting වලට. "

"එතකොට accountant කෙනෙක් වෙන්නද ආස?"

"ඔව්" එයා හිනාවීගෙන මගෙ දිහා බැලුවා.

"අයියා මොනාද කලේ ?"

"මමත් කලේ ඔයා කරන එකම තමා"

"අයියා දැන් මොකද කරන්නෙ?"

ආහ්.. දීපංකො උත්තර. මම දැන් මොනාද කරන්නෙ කියල මංවත් දන්නෙ නෑ. ලේසිම උත්තරක් දෙමුකො.

"මම තාම ඉගන ගන්නවා මල්ලි. මම ඩිග්රී එක ඉවර කලා ගිය අවුරුද්දෙ. දැන් තව අවශ්‍ය කෝස් ටිකක් කරනවා මේ දවස් වල."

ඇති යංතං එයා ඒ පිලිතුරෙන් සෑහීමකට පත් උනා.......

"මල්ලි මම කොහොමත් පොඩි වැඩකට නුගේගොඩට යන්න ඔනේ. කමක් නැද්ද අපි මුලින් එහෙට ගියාට."

"ඒකට නම් අවුලක් නෑ. කමක් නැද්ද මම ආවට. "

"කිසි අවුලක් නෑ."

ඇත්තම කියනවනම් මම ගොඩක් කැමතියි මම යන තැනට එයාව එක්ක යන්න. හැමදේම හරි විදියට සිද්ද වුනොත් එයා නිතරම එතනට එයි. සුපුරුදු කට කොනේ හිනාව ආවා මට.

"කොහෙද දැන් මේ යන්නෙ ?"

"පොඩ්ඩක් බලං ඉන්නකො. තව විනාඩි 5යි.